Türkiyədə Mustafa Aksu adlı bir şəxs Mədəniyyət və Turizm Nazirliyinin nəşr etdirdiyi “Türkiyə qaraçıları” kitabla bağlı Avropa İnsan Hüquqları Məhkəməsinə müraciət edib.
Lent.az-ın məlumatına görə, Mustafa Aksu müraciətində kitabda milli ayrı-seçkiliyə yol verildiyini, qaraçıların təhqir olunduğunu göstərib. Şikayət icraata götürülüb, məhkəmədən müraciətlə bağlı Türkiyə hökumətinə sorğu göndərilib.
Dörd il əvvəl çap edilən nəşrdə qaraçıların alınlarının dar və başlarının kiçik olduğu, oğruluq, cibgirlik və əxlaqsızlıqdan əldə etdikləri gəlirlə dolandıqları yazılıb. Mustafa Aksununun bu ifadələrin kitabdan çıxarılması ilə bağlı yerli məhkəmələrə etdiyi müraciətlər nəticəsiz qaldığından Avropa məhkəməsinə üz tutub.
LENT.AZ
Hiç yorum yok:
Yorum Gönder