DAK informasiya mərkəzinə daxil olan məlumata əsasən 20 sentyabr 2008-ci il tarixində Beynəlxalq Əfv Təşkilatı İranın Təhlükəsizlik naziri Qulamhüseyn Möhsüni Ejeyiyə məktub ünvanlayıb.
Məktubda deyilir ki son günlərdə İranın təhlükəsizlik məmurları Güney Azərbaycanın milli və mədəni haqlarını tələb edən fəallarını həbs edərək onlara qarşı ışgəncələr həyata keçirir. 10 sentyabr 2008-ci il tarixində Tehranda həbs edilən 20 nəfərin 9 nəfəri hələdə Tehranın Evin həbsxanasının 209-cu kamerasında saxlanırlar. Həbs olunanların ailələri yaxınları ilə heç bir görüş keçirmək imkanı verilməyib.
Beynəlxalq Əfv Təşkilatı milli fəalların işgəncə olduqlarından nigəranlığını bildirir. Bunlarla yanaşı Təbriz Universitetinin bir neçə tələbəsi iki aydan artıqdır ki, təhlükəsizlik orqanların təcridxanasında fiziki və ruhi işgəncələrə məruz qalmaqdadırlar.
Diqqətinizə çatdırırıq ki, həmin məktubun bir nüsxəsi İranın baş prokuroruna və Daxili İşlər nazirliyinə də göndərilib. dak
Hiç yorum yok:
Yorum Gönder