BMT-də İran-İsrail gərginliyi

BMT-də İran-İsrail gərginliyi


"İsaril bir gün xəritədən silinəcək"

QayNar: Dünya liderlərini bir araya gətirən Birləşmiş Millətlər Təşkilatının toplantılarında İran və İsrail liderləri bir-birlərinə qarşılıqlı ittihamlar irəli sürdülər. İranın dövlət başçısı Mahmud Əhmədinejad, ölkəsinin sülh məqsədi daşıyan nüvə gücünə sahib olma haqqının olduğunu və bəzi qoçu ölkələrin bu haqlarını əngəlləmək cəhdlərinə qarşı müqavimət göstərəcəklərini söylədi.
Əhmədinejad çıxışında ABŞ-ı və İsraili tənqid etdi.
"Amerika imperatorluğu yolun sonuna gəlməkdədir" iddiasını dilə gətirən Əhmədinejad, bu ölkədə keçiriləcək prezident seçkilərində vəzifə başına gələcək liderin, ölkəsinin xaricinə müdaxilə etməyi dayandırmalı olduğunu söylədi.
Əhmədinejadın hədəfində İsrail də vardı. İran lideri, "Günümüzdə artıq siyonist rejim çöküşün düz eşiyindədir. Onlar üçün artıq özlərinin və dəstəkçilərinin açdığı lağım çüxurundan çıxış yolu qalmamışdır. Əliqanlı siyonistlər, Avropalıları və Amerikalıları idarə edir" dedi.
İsrailin dövlət başçısı Şimon Perez isə İran prezidenti Mahmud Əhmədinejadın İsrailin bir gün xəritədən silinəcəyi sözlərinə cavab verdi. Perez, Əhmədinejadın dünyanı insan həyatına hörmət bəsləməyən qaranlıq, nifrət dolu, pis niyyətli, qürurlu bir dönəmə dönmə çağırışı etdiyini söylədi. Perez, Əhmədinejadın özünü özünü dünyanın baş hakimi kimi gördüyünü də ifadə etdi. //Rəşad Səfərov, QayNar