İran prezidenti Mahmud Əhmədinejad BMT Baş Assambleyasının növbəti sessiyasına qatılmaq üçün Nyu-Yorka səfər edib. Onun sessiyada sentyabrın 23-də çıxış edəcəyi bildirilir.
Bu, İran prezidentinin Nyu-Yorka dördüncü səfəridir.
«Media forum» saytının məlumatına görə, Əhmədinejad Nyu-Yorka səfəri ərəfəsində jurnalistlərə açıqlamasında deyib: «Mənim builki Nyu-York səfərimdən çox xoş xəbərlər eşidəcəksiniz. Bu səfərdə çoxlu proqramlarım var».
İran prezidenti hər il İsrailə qarşı etiraz nümayişləri ilə müşayiət olunan Qüds gününə toxunaraq İsrailə qarşı sərt bəyanatlar səsləndirib: «Qüds günü İsrailin kökünün yer üzündən qazılması günüdür. İsrail rejimi ən çirkin cinayətlər törətmiş və ən böyük cinayətkarları yetişdirmiş bir rejimdir».
ABŞ yəhudi icması BMT-nin binası qarşısında İran prezidentinin səfərinə etiraz aksiyası keçirməyi planlaşdırıb. 125 ölkədə fəaliyyət göstərən 55 min xristian ruhanisi adından yayılan bəyanatda isə «İsrailin məhvini istəyən və Xolokostu inkar edən» İran prezidentinin məhkəməyə verilməsini tələb olunur.
«Media forum»
Hiç yorum yok:
Yorum Gönder