Türkiyə prezidenti Azərbaycanın ərazi bütövlüyünün bərpa olunacağına əmindir
Türkiyə prezidenti Abdulla Gül sentyabrın 23-də BMT Baş Assambleyasının Nyu-Yorkda keçirilən 63-cü sessiyasında çıxış edib. Lent.az-ın məlumatına görə, Türkiyənin beynəlxalq sülh və sabitliyin bərqərar olmasında rolu barədə ətraflı danışan Gül Dağlıq Qarabağ probleminə də toxunub.
Türkiyə prezidenti Ankaranın irəlı sürdüyü “Qafqaz platforması”nın Cənubi Qafqazda gələcək münaqişələrin qarşısını alacaq, bölgədə etimad ab-havası yaradacaq və ümumi problemləri demokratik çərçivədə müzakirə etməyə imkan verəcək vasitəyə çevrilə biləcəyini vurğulayıb. Prezident təşəbbüs nəticəsində yaranan müsbət perspektivlərin “işğal edilmiş Dağlıq Qarabağ da daxil olmaqla, bölgədəki bütün dondurulmuş münaqişələrin ərazi bütövlüyü prinsipi əsasında həllinə töhfə verəcəyinə” ümid etdiyini bildirib. Türkiyə prezidentinin sözlərinə görə, bu perspektiv bölgədəki dövlətlər arasında ikitərəfli əlaqələrin yaxşılaşdırılmasına da kömək edə bilər.
LENT.AZ
Hiç yorum yok:
Yorum Gönder