Naxçıvandakı türk iş adamları Türkiyə-Ermənistan sərhədlərinin açılmasına etiraz olaraq bəyanatla çıxış ediblər

Naxçıvan. C. Qurbanoğlu—APA Naxçıvan Muxtar Respublikasında (MR) fəaliyyət göstərən türk iş adamları Türkiyə-Ermənistan arasında sərhədlərin açılması barədə yayılan xəbərlərlə bağlı bəyanatla çıxış ediblər. APA-nın yerli bürosunun məlumatına görə, bəyanatda Ermənistanın əvvəlcədən müəyyənləşdirilmiş şərtləri yerinə yetirməyəcəyi, ermənilərin qondarma soyqırımı ittihamından, Türkiyəyə qarşı torpaq və təzminat iddialarından əl çəkməyəcəyi təqdirdə, sərhədlərin açılması Ermənistan və onun havadarlarının maraqlarına uyğun addım kimi dəyərləndirilib.
Bəyanatda həmçinin türk iş adamlarının Türkiyə-Ermənistan sərhədlərinin açılmasına qəti etirazı, Türkiyə hökumətinin hazırkı şəraitdə heç bir halda sərhədlərin açılmasına razılıq verilməyəcəyinə əminlik ifadə olunub.