Dəniz Baykal Türkiyə-Ermənistan sərhədlərinin açılması məsələsi ilə bağlı geniş açıqlama verəcək

Ankara – APA. Türkiyənin ana müxalifət lideri, Cümhuriyyət Xalq Partiyasının sədri Dəniz Baykal Türkiyə-Ermənistan sərhədlərinin açılması məsələsi haqqında geniş açıqlama ilə çıxış edəcək. APA-nın Türkiyə xəbər agentliklərinə istinadən verdiyi xəbərə görə, Mersin şəhərində jurnalistlərin bu mövzuda sualını cavablandıran D. Baykal Azərbaycanın incidilməsinin Türkiyənin, hətta Avropa Birliyini maraqlarına zidd olduğunu daha əvvəl söylədiyini, bu gün Azərbaycanın artıq öz narahatlığını gizlətmədiyini xatırladıb. O, sabah Ankarada bu məsələyə dair xüsusi açıqlama verəcəyini söyləyib.