Politoloq Hikmət Hacızadə Azərbaycan, Ermənistan və Rusiya prezidentlərinin Dağlıq Qarabağ münaqişəsinə yönəlik Moskva bəyannaməsində yeni heç nə olmadığı fikrindədir: «Bəyannaməni elə də oxuyursan, belə də oxuyursan, başa düşmürsən bu nədir və nəyə lazım idi».
Hikmət
Hacızadə
«Media forum» saytına açıqlamasında H.Hacızadə üç dövlət başçısının Moskva görüşünün mahiyyətini belə izah edib: «Bu görüş Vaşinqtonla Moskva arasında Gürcüstan konfliktinin Qarabağa qədər genişləndirilməsindən doğan narahatçılığı göstərir. Moskva görüşü ona görə baş tutdu ki, nə ABŞ, nədə Rusiya Qarabağda müharibə istəyir. Hər iki ölkə sülh danışıqlarının indiki formatda - ATƏT-in Minsk qrupu çərçivəsində davam etməsində maraqlıdır.
Gürcüstanda bu ilin avqustunda baş verən qısamüddətli dava həm regiona, həm də bütünlükdə dünyaya böyük ziyan vurub. İnsanlar ölüb, 70 min yeni qaçqın ordusu yaranıb, Ermənistan blokadaya düşüb, Azərbaycandan neft ixracı xeyli azalıb. Həm Rusiya, həm ABŞ Azərbaycan hakimiyyətinin daim müharibə haqda bəyanatlar verməsindən, Minsk qrupundan imtina çağırışlarından ehtiyatlanırdı. Ona görə prezidentlərin belə bir görüşü lazım idi ki, dialoq bərpa olunsun, münaqişənin həlli yalnız sülh danışıqlarında axtarılsın, Minsk qrupundan imtina olunmasın».
«Media forum»
Hiç yorum yok:
Yorum Gönder