Sarkisyan Parisdə Fransa prezidenti Nikola Sarkozi və digər rəsmi şəxslərlə görüşəcək
Ermənistan prezidenti Serj Sarksiyan bu gün Moskvadan birbaşa Fransaya yola düşüb. “Armtoday” informasiya agentliyinin məlumatına görə, S. Sarkisyan Parisdə Fransa prezidenti Nikola Sarkozi və digər rəsmi şəxslərlə görüşəcək, sonra Brüsselə gedəcək və orada Belçikanın baş naziri, Senatın rəhbəri ilə görüşəcək. Bundan başqa, Ermənistan prezidentinin Avropa Komissiyasının sədri Joze Manuel Barrozu, Avropa İttifaqının xarici siyasət və təhlükəsizlik məsələləri üzrə ali komissarı Havyer Solana, NATO baş katibi Yap de Hoop Sxeffer və Avropa Parlamentinin sədri Hans-Hert Potterinqlə görüşü planlaşdırılıb. Bundan başqa Serkj Sarkisyanın Avropa Komissiyasının xarici əlaqələr üzrə komissarı Benita Ferrero Valdnerlə işgüzar nahar edəcəyi gözlənilir. /ANS PRESS/
Hiç yorum yok:
Yorum Gönder