GÜNEYLİ MƏHBUS JURNALİSTİ MÜDAFİƏ KOMİTƏSİ YARADILIB

GÜNEYLİ MƏHBUS JURNALİSTİ MÜDAFİƏ KOMİTƏSİ YARADILIB
2008-12-04 - 16:00:00


Güneyli məhbus jurnalist Şahnaz Qulaminin hüquqlarını müdafiə komitəsi yaradılıb. Milli hərəkatın fəal üzvü, jurnalist və qadın hüquq müdafiəçisi Şahnaz Qulamini ETTELAAT noyabrın 9-da Təbrizdə həbs edib.

«Media forum» saytının məlumatına görə, güneyli fəalın azadlığa buraxılması məqsədi ilə yaranan müdafiə komitəsinin əsas üzvləri xaricdə yaşayan azərbaycanlılardır: Fərəhruz Rəncbər (İsveç), İnsafəli Hidayət (Kanada), Çingiz Göytürk (Finlandiya), Səməd Niknam (İsveç), Şahin Ostaclu (Danimarka), Şahrux Məzari (İngiltərə), Babək Azəri (İsveç), Əsəd Sadeqi (İsveç), Elnur Eltürk (Azərbaycan), Manaf Səbəbi (İsveç).

Müdafiə komitəsinin yaranması ilə bağlı yayılan bəyanatda jurnalistin taleyinin müəmmalı olduğu və onun hazırkı vəziyyəti barədə hər hansı bir məlumat əldə edilmədiyi vurğulanır, azadlığa qovuşması üçün bütün qüvvələrin səfərbər olunmasının vacibliyi qeyd olunur.




«Media forum»