Naxçıvansız Azərbaycan xəritəsi...

Naxçıvansız Azərbaycan xəritəsi... -

12:20 03-12-2008





Dünya Hava Yollarının ümumi xəritəsində Azərbaycan Naxçıvansız göstərilib

Bəzi beynəlxalq agentliklərdə, internet saytlarında, çap məhsullarında Azərbaycan xəritəsinin kobud təhrif edilməsi halları davam edir. Adətən belə xəritələrdə Azərbaycan Dağlıq Qarabağ və işğal olunmuş ərazilər olmadan göstərilir. Bu dəfə isə Azərbaycan ərazisi Naxçıvansız göstərilib.

Lent.az-ın məlumatına görə, «www.mapsofworld.com» saytında novbəti ciddi yanlışlığa yol verilib. Saytın Azərbaycana aid bölümündə (“http://www.mapsofworld.com/referrals/airlines/international-airlines/azerbaijan-airlines.html”) çox kobud şəkildə verilən xəritədə Naxçıvan ümumiyyətlə qeyd edilməyib.

Azərbaycan Hava Yolları Dövlət Konserninin (“AZAL”) mətbuat xidmətindən Lent.az-a bildirilib ki, qurum həmin təşkilatı tanımır: “AZAL” Beynəlcalq Mülki Aviasiya Təşkilatının üzvüdür və digər beynəlxalq təşkilatları da tanıyırıq. Amma Dünya Hava Yolları adlı təşkilat tanımırıq”.

Azərbaycan Xarici İşlər Nazirliyindən isə məsələ ilə bağlı günün ikinci yarısında açıqlama veriləcəyi bildirilib.

Pərvin ABBASOV

LENT.AZ