زینداندا دوغوم گونون یاشایان عبدا…. جاوانا
ایللر اونجه اوغلونون دوغوم گونون قوتلایان اوزان احمد کایا بئله جه آنمیشدی اوگونو، هله بیرده ”سنه منجیکدان قوش یاپدیردیم قوناجاق پنجرنه” ده دئمیشدی. یا بیری لرینین گؤزلریندن باشلامیشدی دوغوم گونلری، بیرلری ایسه برلی بزکلی کیک لره یاندیردیغی شاملاردا قوتلایر بو گونون، سن دئمه ائوین دوستاغیندا دا آنانلار وارمیش بوگونو، اوسته لیک آردیجیل…
همی ۱۳۸۶جی ایلده همی ده ۸۷ جی ایلده دوغوم گونون زیندان آغیرلایان دوستوموز عبدا.. جوان ایندی نه بیلرسن بلکه دوغولدوغو گونون حئسابین اؤدییر، یا دوغولدوغو یئرین حئسابین، یا ندن دوغولدوغونون، یا ندن سه تورک دوغولدوغونون…. یا نه لرین سه حئسابین اؤده ییر….
هله ۴ آیدان آرتیق داراجیق سلوللاردا چکدیی ایشکنجه لرین آغریسی جایندان چیمازکن یئنی دن دوغوم گونون ائوین ده آغیرلایان مهندس عبدا… جوان بلکه سویوق و قارانلیق اوتاقدا رویالاری ایله پایلاشیر دوغوم گونون سئوینجینی، و آذربایجانی نین آزادلیغی گونونه پای وئریر بو زیندان دا آغیرلانان دوغوم گونلرین
قورخویا بیگانه اولان و ایناملا دولو موباریز دوستوموز لاپ ائله یاخینلاردا بیر باشقا دوستون دوغوم گونون ده شمع یاندیریب شعر اوخویارکن دوستاقداکی دوسلارین غمی نی یاشامیشکن، بیرلیک ده آنمیشدیق، هله مهدی نعیمی، اووچو، عباس، سعید بَی گیل چیخسینلار دئیه اونلارین شرفینه اؤزونه دوغوم گونو دوتاجاق دئییه دوشونوردو، نه ایسه بو دفعه دوسلار آزادلیقدالارسا، دوغوم گونلو دوستاق دا ……
آما بودور بیزیم طالع
بیزیم کی اوموروموزدا بیله دئییل. بیز سین اولماساندا سنیین دوغوم گونونون سئوینجی نی پایلاشاجاییق بو آخشام، همی ده بوتون سن ایسته دییین دوسلارلا.. سن سه اؤزون بیلرسن زیندان دا یئرین بیر آز گئنیشله شرسه باجی اوغلون یاندا، مارش دا اوخایا بیلرسیز، شعرله شه بیلرسیزده، نه اولسون شمع یوخونوزدورسا اوریینیز ایشیغینا ییغیشابیلرسیزکی، ….
بیرده ناظیم حیکمت یادیما دوشدو دئمیشکی:
….
…..
معلوم دور، اولدوغوم یئرده
نه صدف ساپلی بیر پیچاق وار،
نه باشی بولودلاردا بیر چینار.
بلکه حیاط دا بیر آغاج تاپیلار آما،
گؤی اوزونو باشیمین اوستونده گؤرمه ک،
منه یاساق…..
بورا مندن باشقا نه قدر اینسانین ائوی دیر؟
بیلمیرم.
من بیر باشیما اونلاردان اوزاقام.
تام بیرلیکده اونلار مندن اوزاق.
منه اؤزومدن باشقاسیلا دانیشماق
یاساق……
…….
………
…….
دوغوم گونون قوتلو اولسون دوستوم
هله نه وار کی گلن ایل یولدا…
Kaydol:
Kayıt Yorumları (Atom)
Hiç yorum yok:
Yorum Gönder