HELSİNKİDƏ ATƏT-in MİNSK QRUPUNA HƏMSƏDRLİK EDƏN ÖLKƏLƏRİN BƏYANATI İMZALANIB

HELSİNKİDƏ ATƏT-in MİNSK QRUPUNA HƏMSƏDRLİK EDƏN ÖLKƏLƏRİN BƏYANATI İMZALANIB
2008-12-04 - 15:28:00


Helsinkidə Azərbaycanın və Ermənistanın xarici işlər nazirləri Elmar Məmmədyarovla Edvard Nalbandyanın ATƏT-in Minsk qrupunu təmsil edən ölkə rəsmilərinin iştirakı ilə keçirilən görüşü «ATƏT-in Minsk qrupuna həmsədrlik edən ölkələrin Xarici İşlər nazirlikləri rəhbərlərinin bəyanatı»nın imzalanması ilə nəticələnib.

«Turan»ın Helsinkidəki xüsusi müxbirinin verdiyi xəbərə görə, bəyanatda Azərbaycan və Ermənistan Qarabağ münaqişəsinin həlli üzrə «Madrid təklifləri əsasında» danışıqlar prosesini davam etdirməyə çağırılır.

Görüşdə Rusiya və Fransanın xarici işlər nazirləri Sergey Lavrovla Bernar Kuşner və ABŞ dövlət katibinin müavini Daniel Frid iştirak ediblər.