Molla rejimi əzələ göstərir

Molla rejimi əzələ göstərir
İran 60 hərbi gəminin cəlb olunduğu genişmiqyaslı hərbi-dəniz təlimlərinə başlayıb. "Birlik 87" (İrandakı hicri təqvimlə indi 1387-ci ildir) adlandırılan təlimlər bazar günü başa çatacaq.
"Təlimlərin əsas məqsədi Hörmüz boğazı və Oman Körfəzində mümkün hücumun qarşısının alınmasıdır", - İran Müdafiə Nazirliyinin açıqlamasında bildirilir. Potensial düşmən qismində isə İran ABŞ və İsraili görür, çünki məhz bu ölkələr İrandakı nüvə obyektləri və digər hədəflərə zərbələr endirə biləcəkləri istisna etmirlər.
Kontr-admiral Həbibulla Səyyarinin dediyinə görə, dörd mərhələdən ibarət təlimlərdə hərbi-dəniz qüvvələrinin mina gəmiləri, raket katerləri, sualtı qayıqlar, vertolyotlar, qırıcılar və pilotsuz təyyarələrdən istifadə ediləcək.
O, ötən həftə İran HDQ-nin "Qalat" ("Qala") və "Dərafş" ("Bayraq") raket kreyserləri, habelə "Qədir" sualtı qayığını aldığını vurğulayıb.
Hərbi ekspertlər isə bildirirlər ki, ABŞ İrana hücum edərsə, iranlıları hərbi-dəniz qüvvələri uzun müddət amerikalılara müqavimət göstərə bilməyəcəklər.
İran hərbi-hava qüvvələrinin komandanı Həssan Şah Səfi isə milli radio ilə çıxışında bildirib ki, ölkədə gözəgörünməz təyyarənin ilk işçi prototopinin hazırlanmasına başlanıb.
"Bu təyyarə İranın aviasiya sənayesinin "Stealth" texnologiyası ilə hazırlayacağtı ilk təyyarə olacaq. Qırıcı təyyarənin səthi bütünlüklə məxfi absorb materialla örtüləcək. Bu material potensial düşmənin radarlarının radiodalğalarını udacaq", - briqada generalı Səfi deyib.