Prezident Obama yeni komandasını formalaşdırıb

Prezident Obama yeni komandasını formalaşdırıb
Amerikanın seçilmiş prezidenti Barak Obama elan edib ki, seçki kampaniyası zamanı məğlub olan demokratlardan rəqibi Hilari Klinton (Hillary Clinton) Amerikanın xarici siyasətinə başçılıq edərək dövlət katibi vəzifəsinə təyin edilib.
Eyni zamanda cənab Obama Çikaqoda yeni milli təhlükəsizlik komandasını təyin edib. O, prezident Buşun hakimiyyəti ərzində müdafiə naziri olan Robert Gatesi öz vəzifəsində saxlayıb.

Hilari Klintonun bu vəzifəyə təyin ediləcəyi barədə şayiələr bir neçə həftə idi ki, mövcud idi. Praymerizlər zamanı bunu təxmin etmək qeyri-mümkün idi.

Həmin vaxt Obamanın komandası, xanım Klintonun, özünün 1-ci ledi olduğu 8 il ərzində xarici siyasət sahəsində təcrübə qazanması barədə dediklərini lağa qoyurdu.
İndi cənab Obama, xanım Klintona, "əziz dost" deyərək müraciət edir.

O güclü şəxsiyyətlərə və güclü baxışlara inandığını deyib.

Robert Geytsin müdafiə naziri vəzifəsində qalması da maraqlı məqamdır.

Corc Buşun hakimiyyəti dövründə Pentaqona rəhbərlik edən şəxsin, vəzifəsində qalması, praqmatiklikdən xəbər verir.

Belə görünür ki, Barak Obama, 2 cəbhədə müharibə aparan bir ölkədə hakimiyyətdə olmağın çətinliklərindən agahdır.