Rus mətbuatı Gürcüstan prezidenti haqqında dezinformasiya yayır
Rusiyanın “Tvoy den” qəzeti Gürcüstan prezidenti Mixail Saakaşvilinin psixoloji vəziyyəti barədə sensasion yazı dərc edib. Yazıda iddia olunur ki, müharibədə uduzduğunu hiss edən Mixail Saakaşvili guya özünü güllələmək istəyib, amma mühafizəçisi tapançanı onun əlindən son anda alıb.
Yazıda Gürcüstan iqtidarındakı mötəbər mənbəyə istinadən o da göstərilir ki, Saakaşvili çox güclü təsir gücünə malik psixotrop maddələr qəbul edir. “Cəbhə bölgəsindən qayıdandan sonra onun vəziyyəti daha da gərginləşib. Onun əlləri, zorla gülümsəmək istəsə də dodaqları əsir”- deyə qəzet yazır.
Qəzetin yazdığına görə, Saakaşvili öz həyat yoldaşı Sandranı uşaqları ilə birgə ABŞ-a göndərib: “İndi onu daha çox narahat edən məsələ isə Sxinvalidə törətdiyi cinayətlərə görə osetinlərin ondan qisas alacağı qorxusudur. Çünki bura Qafqazdır. Burada qan düşmənçiliyi ənənələri hələ də mövcuddur. Osetinlər onu Amerikada da olsa tapacaqlar”.
“Tvoy den”in yazdıqları əslində bir daha sübut edir ki, Rusiya Gürcüstan prezidentinin fiziki cəhətdən məhv etməkdə israrlıdır, bu tip yazılar isə ona qarşı informasiya müharibəsinin tərkib hissəsidir. Saakaşvili srağagün Qoriyə səfəri zamanı səmada qəfildən peyda olan rus təyyarələri onun həyatına təhlükə yaratdı. Əslində bu tip yazılar nə vaxtsa baş verməsi ehtimal olunan sui-qəsd üçün ideoloji zəmin də hesab oluna bilər.
SƏBUHİ
musavat
Hiç yorum yok:
Yorum Gönder