Macarıstanda böyük mütəfəkkir - şair Nizami Gəncəvinin heykəli ucaldılacaq. Bu barədə Gəncə şəhər İcra Hakimiyyətinin başçısı Eldar Əzizov məlumat verib. Hazırda Gəncənin baş memarı Məmməd İbrahimov və baş rəssamı Şərif Şərifov heykəlin qoyulacağı Vestbrun şəhərinə ezam olunub. Gəncədə isə macar şairlərindən birininə abidə ucaldılacaq.
lidertv
----------------------------------------------------------------------
Bu gün(12 aqust) «Xəzər Günü»-dür
Avqustun 12-i Xəzəryanı ölkələrdə regional Xəzər Günü kimi qeyd edilir. Bu tarixdə imzalanmış Tehran konvensiyasına görə, Xəzərin sahilində yerləşən 5 ölkə dənizin ekoloji problemlərini aradan qaldırmaq üçün birgə fəaliyyət göstərməlidir. Tehran konvensiyasının unikallığı ondan ibarətdir ki, bu kovensiya hələlik sahilyanı dövlətlərin ortaq məxrəcə gəldiyi yeganə rəsmi sənəddir. Konvensiyanın şərtlərinə görə, Azərbaycan, İran, Qazaxıstan, Rusiya və Türkmənistan, təbii yaşayış mühitinin dağıdılması, sənaye mənşəli çirklənmə, bioresursların həddən artıq istismarından yaranan ekoloji problemləri aradan qaldırmaq üçün birgə fəaliyyət göstərməlidir. Bu əməkdaşlığa hamıdan çox dünyanın ən böyük gölünün ehtiyacı var. Çünki, sənayenin inkişafı, sahilyanı rayonlarda yaşayan əhalinin çoxalması ekoloji vəziyyəti günü gündən pisləşdirir. Hazırda Xəzərin sahilində, həyatı bu və ya digər şəkildə dənizlə bağlı olan 15 miylon insan yaşayır. Ona görə də dənizin əsas çirklənmə mənbəyi, məişət-sənaye çirkab sularıdır. Çaylar vasitəsi ilə, Xəzərə hər il 40-45 kilometr uzunluğunda çirkab zolağı daxil olur ki, bunun da 60 faizi Volqanın payına düşür. Azərbaycan Xəzəri ən az çirkləndirən ölkələrdəndir. Amma buna baxmayaraq, ölkəmizdə dinizin ekoloji vəziyyətinin yaxşılaşdırılması üçün böyük işlər görülür. Ümid edirik ki, gölün bölüşdürülməsində bir-birinə zərrə qədər də güzəştə getməyən sahilyanı ölkələr, Xəzərin ekoloji problemlərinin həllinə də belə həssas yanaşacaq.
Hiç yorum yok:
Yorum Gönder