Bak. Məhbubə Qasımbəyli-APA. Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupunun beynəlxalq təşkilatlarla müntəzəm apardığı danışıqlar nəticəsində bu il fevralın 19-da Ermənistanın İcevan rayonu ərazisində Ermənistan hərbçiləri tərəfindən saxlanılan Azərbaycan vətəndaşı, Qəbələ rayonu, Zalam kənd sakini, 1975-ci il təvəllüdlü Eyyubov Arzu Nurəddin oğlu bu gün Qazax rayonunun Bala Cəfərli kəndi istiqamətində, qoşunların təmas xəttində girovluqdan azad olunub.
APA-nın xəbərinə görə, bu barədə Dövlət Komissiyasının yaydığı məlumatda bildirilib. Məlumata görə, A. Eyyubovun sağlıq durumu normaldır.
Prosesdə Dövlət Komissiyası İşçi qrupunun və neytral vasitəçi qismində Beynəlxalq Qızıl Xaç Komitəsinin əməkdaşları iştirak edib. Proses beynəlxalq humanitar hüquq normalarına uyğun keçirilib və insidentsiz başa çatıb. apa
Hiç yorum yok:
Yorum Gönder