İRAN UNİVERSİTETLƏRİNDƏ TƏHSİL ALAN 261 AZƏRBAYCANLI TƏLƏBƏ BİRGƏ BƏYANATLA ÇIXIŞ EDİB

İRAN UNİVERSİTETLƏRİNDƏ TƏHSİL ALAN 261 AZƏRBAYCANLI TƏLƏBƏ BİRGƏ BƏYANATLA ÇIXIŞ EDİB
2008-12-29 - 18:24:00


İran universitetlərində təhsil alan 261 azərbaycanlı tələbənin birgə bəyanatı yayılıb.

«Media forum» saytının məlumatına görə, bəyanatda milli kimlik uğrunda dinc mübarizə aparan yazarlara, ziyalılara qarşı təzyiqlərə etiraz bildirilib. Azərbaycanlı fəallara qarşı həbs, işgəncə, sürgün və başqa cəzaların dayandırılmasını tələb edən tələbələr bəyanatda hökumətdən azərbaycanlıların ana dilində təhsil almaq hüququna riayət olunmasını istəyiblər.

«Biz azərbaycanlıların mədəni və sivil hüquqları uğrunda dinc fəaliyyət göstərdikləri üçün həbs edilən fəalların dərhal azadlığa buraxılmasını, onların öz ana dillərində təhsil almasına şərait yaradılmasını və Azərbaycana qarşı tətbiq olunan istənilən mədəni, siyasi və iqtisadi ayrı-seçkiliyə son qoyulmasını tələb edirik» deyə bəyanatda vurğulanır.




«Media forum»