“Türkiyə-Ermənistan sərhədi aprelin 16-da açılacaq”

“Türkiyə-Ermənistan sərhədi aprelin 16-da açılacaq”
15:36 02-04-09




Wall Street Journal Ankara və İrəvanın böyük razılaşma imzalamağa hazırlaşdığını iddia edir



“Türkiyə və Ermənistan artıq aprelin 16-da sərhədləri açaraq diplomatik əlaqələri bərpa edə bilərlər. Tərəflərin rəsmi nümayəndələri hələlik bu informasiyanı şərh etmirlər. Amma razılaşma aprelin 16-da imzalana bilər”. Lent.az-ın məlumatına görə, bu barədə “Wall Street Journal” Brüsseldəki diplomatik mənbələrə istinadən xəbər verir.



Diplomatlar bildiriblər ki, razılaşmaya sərhədlərin açılması, diplomatik münasibətlərin qurulması və bir sıra mübahisəli məsələlər üzrə komissiyaların yaradılması bəndləri daxildir. Onların arasında hansısa xüsusi mübahisəli məsələ olduğu vurğulanır. Lakin diplomatlar məsələnin son dərəcə həssas olduğunu nəzərə alaraq onun nədən ibarət olduğunu açıqlamayıblar.