İran-İraq müharibəsində (1980-88) həlak olmuş 5 naməlum əsgərin qalıqlarının dini lider ayətullah Əli Xamneyinin göstərişi ilə Tehran Politexnik (Əmir Kəbir) Universitetində basdırılması tələbələrin kəskin etiazına səbəb olub. Tələbələrlə «Bəsic» (hökumət tərəfdarı olan könüllülər dəstəsi) və ETTELAAT əməkdaşları arasında yaranmış qarşıdurmada 70 tələbə tutulub.
700-ə yaxın tələbə «Universiteti qəbiristanlığa çevirməyin» devizi ilə etiraz sərgiləyərək «Cəhənnəm ol, bəsici, gözdən itil, bəsici», «Diktatora ölüm», « İrtica və geriçiliyə qarşı birləşək», «Sən ey zəmanə diktatoru, şəhid sənə bəhanədir», «Ey ləyaqətsiz bəsici, sən Quranı süngüyə keçirdin» şüarları səsləndiriblər.
Tələbə fəallar naməlum əsgərlərin qalıqlarının universitetdə basdırılmasını siyasi motivlərlə bağlayır, bunu müharibədə həlak olanlara qarşı təhqir, tələbələrə təzyiq kimi qiymətləndirir.
Universitetdə fevralın 21-dən yaranmış gərginlik davam edir.
Hiç yorum yok:
Yorum Gönder