Bu posta ABŞ diplomatiyasının veteranı təyin olunub
ABŞ dövlət katibi Hillari Klinton İran körfəzi ölkələri, o cümlədən İran üzrə müşavirini seçib. Lent.az-ın “Associated Press” agentliyinə istinadən verdiyi məlumata görə, bu posta Dennis Ross təyin edilib.
Dövlət Departamentinin fevralın 23-də yaydığı açıqlamada bildirilir ki, rəsmi olaraq Rossun vəzifəsi “İran körfəzi və Cənub-Qərbi Asiya ölkələri üzrə xüsusi müşavir” adlanacaq. Departamentin mətbuat xidməti ABŞ-ın həmin regionda ən azı iki müharibədə iştirak etdiyini xatırladıb: “Regionda yeni münaqişələrin meydana çıxması, nüvə silahı və terrorçuluğun yayılması təhlükəsi var”.
Dennis Ross Amerika diplomatiyasının veteranlarından sayılır. O, Bill Klinton və Corc Buş administrasiyalarında Yaxın Şərq münaqişələrinin həll edilməsi məsələlərinə cavabdeh olaraq, bu regionda xüsusi nümayəndə postunu tutub. Qeyd edək ki, onun Barak Obama administrasiyasında dövlət katibi postu tutacağı da güman edilirdi.
Hiç yorum yok:
Yorum Gönder