İrandan Azərbaycana külli miqdarda narkotik maddə keçirən qrup zəzrərsizləşdirilib

İrandan Azərbaycana külli miqdarda narkotik maddə keçirən qrup zəzrərsizləşdirilib


Azərbaycanın cənubunda yerləşən Lerikdə (paytaxt Bakıdan 300 km məsafədə) çərşənbə günü səhər saat 08:00 radələrində rayon polis şöbəsinin əməkdaşları qaçaqmalçılıq yolu ilə Azərbaycana tiryək keçirən İran vətəndaşlarını saxlayıblar.

Lerik rayon polis şöbəsinin rəisi Nurəli Nurəliyevin çərşənbə günü Trend News-a verdiyi məlumata görə, əməliyyat tədbirləri nəticəsində Lənkəran rayonu ərazisindəki N saylı hərbi hissəsinin sərhəd zastavası ərazisində dövlət sərhədini pozaraq qeyri-qanuni yolla Lerik rayonunun Conitülü kəndinə keçmiş İran İslam Respublikasının Ərdəbil vilayətinin sakinləri Qeybullaev Fazil Seyfulla oğlu və Babazadə Nüsrət Həbib oğlu saxlanılıb, onlardan 2 kiloqrama yaxın narkotik vasitə olan tiryək aşkar olunaraq götürülüb.

Fakt üzrə polis şöbəsində cinayət işi açılıb, istintaq gedir.

Son bir ayda İrandan Azərbaycana qaçaqmalçılıq yolu ilə 90 kiloqramdan artıq narkotik maddə keçirən iki dəstə zərərsizləşdirilib.trend