ƏRDOĞANA SUİ-QƏSD HAZIRLAYAN PKK-çılar TUTULUB

ƏRDOĞANA SUİ-QƏSD HAZIRLAYAN PKK-çılar TUTULUB
Sun, Nov 9th 2008

ƏRDOĞANA SUİ-QƏSD HAZIRLAYAN PKK-çılar TUTULUB


Türkiyədə baş nazir Rəcəb Tayyib Ərdoğana qarşı sui-qəsd hazırlığında olan PKK-çılar tutulub. Ölkə mətbuatının xəbərlərinə görə, Türkiyə polisinin ötən həftə İzmirdə keçirdiyi əməliyyat zamanı 3 nəfər saxlanılıb. Axtarış zamanı onlardan birinin evindən partlayıcı maddə və bomba hazırlamaq üçün ləvazimatlar tapılıb.

Saxlanılanlardan biri polisə verdiyi ifadədə bildirib ki, noyabrın 12-də baş nazir Ərdoğanın İzmirdə İtaliya baş naziri Silvio Berluskoni ilə görüşü zamanı şəhərdə partlayış törətmək istəyiblər. Bildirilir ki, hədəf baş nazirin gəlişi zamanı yerli AKP binası olmalıymış. Saxlanılanların Diyarbəkirdə PKK səlahiyyətli şəxsləri ilə əlaqəli olduğu bildirilir.