Gürcüstanda erməni separatçı hərəkatı liderlərini mühakimə edirlər

Gürcüstanda erməni separatçı hərəkatı liderlərini mühakimə edirlər

Axalsixdə (Samtsxe-Cavaxeti regionu) separatçı «Cavax gənclər birliyi» aktivlərinin işi üzrə məhkəmə prosesi başlayıb. Eyni vaxtda iki proses aparılır, onlardan biri Qurqen Şirinyan və onun qohumları, digəri isə Vaaqn, Armen Çaxalyan və onun ailəsi ilə bağlı.

Samtsxe-Cavaxeti erməni millətçi hərəkatının nümayəndləri qanunsuz silah saxlamaqda və qətldə günahlandırılıblar. Çaxalyan və onun ailə üzvləri qanunsuz silah saxlamaqda, ədalət məhkəməsindən gizlənən Şirinyan isə yerli polisi öldürməkdə ittiham olunur.

Qohumların sözlərinə görə, Armen Çaxalyanın səhhəti həbs zamanı yaranan xəstəliklər nəticəsində pisləşməkdə davam edir. Hərəkatın lideri Vaaqn Çaxalyan isə öz bəyanatında prosesin siyasi, özünün siyasi məhbus olduğunu bildirib.

Vaaqn Çaxalyanı səkkiz illik həbs cəzası gözləyir.

Çaxalyanın maraqlarının müdafiəsi üçün artıq Ermənistandan vəkillər göndərilib. Yaxın vaxtlarda Fransa və Avstriyadan tutulmuş vəkillər də onun köməyinə qoşulacaq.