RUSİYA ABŞ-LA SÖVDƏLƏŞMƏYƏ GETMİR

RUSİYA ABŞ-LA SÖVDƏLƏŞMƏYƏ GETMİR




Rusiya prezidenti Dmitriy Medvedyev BBC-yə verdiyi müsahibədə, Amerika raket sipərinin yaradılmaması və İranın nüvə proqramının dayandırılmasına dair sövdələşmənin təklif olunduğu barədə xəbərləri təkzib edib.

"Hər hansı sövdələşmənin mümkün saymıram", - deyən Rusiya lideri eyni zamanda bu məsələlərin Londonda, Amerika prezidenti Barak Obama ilə görüş zamanı müzakirə ediləcəyinə əminlik ifadə edib. "Zənnimcə, prezident Obama da bu fikirdədir."Medvedyev və Obama ilk dəfə aprelin əvvəllərində Londonda, “Böyük 20-lər”in zirvə görüşündə qarşılaşacaqlar.

"İrana gəldikdə, bizim bu ölkə ilə dolğun münasibətlərimiz mövcuddur. Lakin bizim mövqe BMT-nin məlum qətnamələri və BATENA-nın yanaşmaları üzərində formalaşıb - İranın nüvə proqramı dinc xarakterli olmalıdır", - deyə Medvedyev bildirib.




Xəbər xidməti