MÖHSÜN YAZIÇIOĞLU KİMDİR?

Martın 25-də Türkiyə müxalifətinin liderlərindən biri - Böyük Birlik Partiyasının başqanı Möhsün Yazıçıoğlunu Qəhrəmanmaraşdan Yozqata aparan vertolyot qəzaya uğrayıb. Vertolyot tapılmadığından M.Yazıçıoğlu və onunla birgə uçmuş şəxslərdən heç bir xəbər yoxdur. Axtarışlar davam edir.

“Media forum” saytı M.Yazıçıoğlunu təqdim edir.

1954-cü ildə Sivasda - Sarqışla bölgəsinin Almalı kəndində doğulan M.Yazıçıoğlu ibtidai və orta təhsilini Şarqışlada alıb, Ankara Üniversitetini bitirib.

1968-ci ildən Gənç Ülküçülər Hərəkatına qatılb. Ankarada Ülkü Ocaqları Baş Mərkəzində başqan müavini, başqan olub, daha sonra Ülküçü Gənçlik Dərnəyini qurub. 1980-ci ilə qədər Milliyətçi Hərəkat Partiyasında başqan müşaviri postunu tutub.

1980-ci il hərbi çevrilişindən sonra 7 il 5 ay həbsdə yatıb. Həbsxanadan çıxandan sonra ülküçülərə və onların ailələrinə yardım niyyətiylə qurulan Sosial Müdafiə və Təhsil Vəqfinə başçılıq edib.1987-ci ildə silahdaşlarıyla birgə Milliyətçi Çalışma Partiyasını yaradıb. 1991-ci ildə bu partiyadan Böyük Millət Məclisinə seçilən M.Yazıçıoğlu bir il sonra fikir ayrılıqları üzündən MÇP-ni tərk edib. 1993-cü ildə Böyük Birlik Partiyasını yaradaraq bu quruma liderlik etməyə başlayıb. 1995-98-ci illərdə də parlamentin üzvü olan M.Yazıçıoğlu 2007-ci ildə Sivasdan müstəqil millət vəkili seçilib.




«Media forum»