İLHAM ƏLİYEV OBAMA İLƏ EYNİ SAMMİTƏ QATILACAQ

İLHAM ƏLİYEV OBAMA İLƏ EYNİ SAMMİTƏ QATILACAQ
ABŞ prezidenti İstanbulda mədəniyyətlərarası dialoq toplantısında iştiraka razıılıq verib



Aprelin 6 və 7-də İstanbulda mədəniyyətlərarası ittifaq sammiti keçiriləcək. Türkiyə mənbələrinin yaydıqları xəbərlərə görə, bir çox ölkədən nümayəndələrin qatılacağı sammitdə Azərbaycan prezidenti İlham Əliyevin də iştirak edəcəyi gözlənilir.

Son anda sammitə həmin günlərdə Türkiyədə səfərdə olacaq ABŞ prezidenti Barak Obamanın da qatılması razılaşdırılıb. Məhz Obamanın toplantıya qatılacağının məlum olmasından sonra sammitə maraq artıb. Hələlik Obamanın toplantının hansı bölümünə qatılacağı haqda məlumat yoxdur. Bildirilir ki, sammitin açılışında Türkiyənin baş naziri Rəcəb Tayyib Ərdoğan və İspaniyanın baş naziri Xose Luis Zapatero çıxış edəcəklər. Forumlara qatılacaqlar arasında Azərbaycan prezidenti ilə yanaşı, Danimarkanın baş naziri Andres Foq Rasmussen, Ermənistanın xarici işlər naziri Edvard Nalbəndyan, Yunanıstanın xarici işlər naziri, ATƏT-in hazırkı sədri Dora Bakoyanni da olacaqlar.





Siyasət şöbəsi